Goals

AlbaNur campaigns to improve access for Albanian journalists to the sources of information in Albanian Lands. It speaks out against the lack of co-operation and the abusive treatment that still occurs when it comes to Albanian journalists.

Portreti i Mihrije Brahes ne gazeten Kosova Sot

Portreti i Mihrije Brahes ne gazeten Kosova Sot

Kenges i jepe jete, nga kenga merr zemer

Këndimi i natyrshëm dhe sharmi i saj në skenë bëjnë që Mihrie Braha të jetë e adhuruar njësoj, dje e sot. Opusi i saj ka disa këngë hite, të cilat dëgjohen me ëndje edhe sot, edhe pse të kënduara vite më herët

Këndimi i natyrshëm dhe sharmi i saj në skenë bëjnë që Mihrie Braha të jetë e adhuruar njësoj, dje e sot. Opusi i saj ka disa këngë hite, të cilat dëgjohen me ëndje edhe sot, edhe pse të kënduara vite më herët

Mihrie Braha është një këngëtare e cila asgjë nuk e merr me rrëmbim. Nuk ngutet për të qenë e para, madje as nuk vuan që të sigurojë vendin e parë. Ka një qëndrim të thjeshtë sikur çdo femër tjetër. Kur fillon të futet në biseda me shoqe e miqtë e saj e madje edhe me njerëzit të panjohur harron statusin e saj prej ylli që është. Nuk vuan nga asnjë kompleks e aq më pak nga kompleksi i superioritetit, siç mund të vërehet të disa yje të tjerë të estradës sonë. Gjatë shëtitjeve i ndodh që të ndalet nga simpatizuesit e saj, të cilët kërkojnë të fotografohen me të, për ta imortalizuar (përjetësuar) momentin kur ajo ua shtrin dorën. Këndimi i saj i natyrshëm dhe sjellja e saj shumë e thjeshtë ka bërë që Mihria të futet në zemrat e secilit dëgjues. Gjatë bisedës me këtë këngëtare, bashkëbiseduesi pas pak çastesh e vëren se kjo është e mbushur me një energji pozitive dhe me një humanizëm që pak nga koleget e saj e posedojnë. Për humanizmin e saj, Mihria rrëfen prej shumë rasteve të tjera vetëm një rast atë të Gentës, vogëlushes nga Isniqi i Deçanit. Jemi në vitin 1998. Forcat serbe me kundërofensivën e tyre mbjellin zjarr dhe vdekje. Kudo shpërngulje të popullatës shqiptare brenda trojeve tona. Genta një vogëlushe nga Isniqi e ndarë nga babai, i cili gjendet diku në male duke luftuar, është e traumatizuar. Vogëlushja nuk ha e nuk flet me askënd. Shoqata “Motrat Çiriazi” e kuptojnë se Genta e kishte idol Mihrie Brahën. Mihrija pa asnjë përtesë shkon ta takojë vogëlushen Genta, e vogëlushja menjëherë ia fillon të qesh, të qan dhe të hajë. Edhe tash kur Genta është vajzë e rritur në mesin e tyre ka mbetur miqësia.


Zë i kërkuar nga masa

Mihrie Braha është një këngëtare që në vete përmban një gamë të gjerë të vlerave artistike e të cilat dëshiron që ato t’i shpërndajë në masë deri tek simpatizuesi i fundit. Po cili është simpatizuesi i fundit i Mihrie Brahës? Zëri i ëmbël i kësaj këngëtareje që me dekada të tëra është futur në shtëpitë e çdo shqiptari në njëfarë mënyrë ka ndikuar që Mihrie Brahën ta konsiderojmë si pjesëtare të familjeve tona. Paraqitja sistematike në publikë gjithnjë me albume të reja ndikon që zëri i saj të mbetet edhe më tutje i qëndrueshëm e emri i saj të skalitet në librat antologjikë të muzikës që të jetë i përhershëm deri në pafundësi. Bazuar në këtë, duket se simpatizuesi i fundit i këngës së Mihrie Brahës nuk ekziston, sepse ajo tanimë është bërë zëri i kërkuar nga masa dhe është shndërruar në jetën e përditshmërisë sonë. Nuk ka dasmë, takim shokësh, udhëtim me veturë, ndeje në shtëpi... e që të mos e dëgjojmë me ëndje zërin e Mihrie Brahës.
Dëgjimi i një kënge i ofron subjektit modelin e një interpretimi imanent që e bën dëgjuesin krejtësisht të pavarur. Dëgjuesi gjendet i ngërthyer në botën dhe autoritetin e zërit të këngëtarit. Duke e dëgjuar Mihrie Brahën (por edhe çdo këngëtar tjetër), dëgjuesi nuk kërkon të mendojë thellë për të kuptuar por thjesht ai e deshifron në mënyrë krejtësisht mekanike. Gjatë interpretimit të një kënge, energjia intelektuale e dëgjuesit kërkon të bëjë rikonstituimin e rrëfimit të tekstit që e dëgjon dhe atij do t’i paraqiten tablo reale lëvizëse të asaj që përshkruhen në tekstin e këngës. Nëse këngëtari ka sens dhe talent për interpretim të natyrshëm automatikisht do t’i futet në botën e brendshme të dëgjuesit.
Me gjithë disa këngëtare të tjera, Mihrie Braha i ka të gjitha komponentët që i ndihmojnë suksesit të saj, ku, përveç bukurisë fizike që është një faktor mjaft i rëndësishëm, te kjo këngëtare mund të shohim se ka talentin që e shoqëron me interpretim të natyrshëm. Mihrie Braha gjatë këndimit muzikal e praktikon një lloji deshifrimi të tekstit të saj që dëgjuesi nuk e heton por e përvetëson këtë lloj deshifrimi, duke qenë i bindur se kjo këngëtare po këndon enkas për të.
Në çastin kur dëgjuesi ka bindje se këngëtari/rja këngën po e këndon veç për të, automatikisht kënga e tij/saj shndërrohet në hit për ta përvetësuar masën dhe ngadalë me kalimin e viteve kënga dhe këngëtari përjetësohen.

Shumë nga këngët e saj janë bërë hite

Mihrie Braha në opusin e saj ka disa këngë të cilat janë bërë hite, të cilat edhe pse të kënduara vite me herët ato përsëri dëgjohen me ëndje pa e humbur aspak freskinë dhe shijen për dëgjuesit tanë. Ajo që Mihrinë e bën të suksesshme është interpretimi i saj krejt spontan dhe i natyrshëm. Duke e dëgjuar këtë këngëtare njeriu ynë zhytet në botën magjike të zërit dhe melodisë, duke e koncentruar vëmendjen te rrëfimi melodik dhe për pak çaste dëgjuesi përjeton kënaqësinë e jetës së tij. Dihet se secili njeri ka probleme dhe herë pas here krijohen situata të palakmueshme e në këto momente zëri i Mihrie Brahës tek individi i demoralizuar do t’i shërbejë si një relaksim dhe qetësim shpirtëror. Për pak çaste kënga e saj do të ndikojë që njeriu veten ta ndiejë më të lumtur dhe kjo lumturi do të vazhdojë të zgjatet kur individi në mendjen e tij e rikujton melodinë dhe tekstin e këngës e natyrisht atij do t'i parafytyrohen lëvizjet e Mihrisë dhe bukuria e saj e shkrirë në dekorin skenik. Kompozimi i muzikës dhe dekori luajnë një rol të rëndësishëm dhe këtë Mihrie Braha e di, andaj kjo këngëtare dëshiron që përmes zërit të saj e interpretimit ta vërë në sipërfaqe melodinë dhe tekstin e këngës dhe nga kjo Mihria në plan të parë e qet rrëfimin. Në këtë model, zëri i Mihrisë integrohet në mënyrë të përkryer me melodinë e orkestrës, bëhet pjesë përbërëse, jehon, dialogon, largohet dhe noton ne një kohezion muzikal. Pak a shumë zëri i saj arrin të shndërrohet në primus inter pares (d.m.th e para në mesin e barabartë). Rrëfimi i mbështjellë me melodinë, zërin, lëvizjet, e emocione ndikon që Mihria të jetë një këngëtare e dashur për publikun e gjerë shqiptar.

Askush nuk mund të harrojë këngët “Puthje kosovare”, “Ma kadal kadale” “Ushtarit tim” etj, të kënduar nga Mihrie Braha. “Ushtarit tim” i kushtohet periudhës kur bijtë tanë ktheheshin në arkivole nga ushtria e armikut. Asokohe të rinjtë tanë shkonin për të shërbyer në ushtri e ktheheshin të vdekur. Ishin vrasje që sistemi qëllimisht pasi i torturonte i vriste bijtë më të devotshëm. Kthimi i ushtarëve tanë të vdekur Mihrie Brahën do ta trondiste e shqetësonte, andaj vendosi të mos rrinte duarkryq e të bënte sehir siç bënte ndonjëra nga këngëtarët tona të estradës. Mënyra më e mirë, kishte menduar në vete Mihria, ishte që zërin e saj ta fuste në funksion të çështjes kombëtare. Gjatë interpretimit të kësaj kënge, zëri i saj ishte një vajtim për bijtë tanë: ”Dorë e zezë o dorë mizore,/ Mos na i kthe djemtë n‘arkivole/ jeta mua më është bërë zi,/Ditë e natë po qaj për ty”. “Ushtarit tim” është e vetmja këngë që gjatë këndimit këngëtarja jonë qante, sepse vuajtjet e popullit i përjetonte thellë në shpirtin e saj. Mihrie Braha është fituese e shumë shpërblimeve, por shpërblim më të mirë i konsideron duartrokitjet frenetike të shikueseve të saj, që sipas Mihrisë, publiku është vlerësuesi më i mirë dhe më i denjë.
 

Kontakt : Reshat80@hotmail.com 

Ju mund te jepni komente per Mihrie Braha duke klikuar ketu!