[albanur]

Prof. Dr. Bedri Selmani


Cilat janë vetitë udhëheqëse të liderit demokratik për të cilin ja vlen të votojmë


Në rrethanat kur shteti i ri i Kosovës po përballet me sfidat fillestare të shtet ndërtimit demokratik, në periudhën e krizës ekonomike e cila është duke e përcjell vendin tonë të varfër tani e dy dekada ,po t'i shtohet kësaj kriza ekonomike globale, përmes të cilës po kalon ekonomia botërore. Mund te thuhet se tërë kjo e ka vënë në pikë çështje nivelin dhe dinamikën e rritjes ekonomike të domosdoshme për zhvillimin e vendit.

Mirëpo, të gjitha përvojat e vendeve të zhvilluara tregojnë se rrugëdalja qëndron në përzgjedhjen e kuadrove që posedojnë shkathtësi dhe dituri menaxhuese!

Atëherë, shtrohet pyetja me cilat kritere t’i votojmë në zgjedhje, liderët demokratik të cilët na mundësojnë dalje nga kriza ekonomike dhe fillimin e zhvillimit të qëndrueshëm ekonomik me perspektivë për qytetarët e Kosovës?

Kush duhet të na udhëheqë ?

Kryesisht modeli i vetive udhëheqëse demokratike të cilat janë përvetësuar nga ana e vendeve më demokratike të botës dhe të cilat kanë siguruar sukses, janë standarde të bazuara në Menaxhmentin Strategjik dhe në përvojat më të mira . Këto vlera janë bërë kryesore me rastin e votimit në zgjedhje elektorale lokale dhe qendrore.

Vlerat të cilat duhet t’i posedon personi janë të përmbledhura dhe të pranuara në 25 konstatime me të cilat përshkruhen vetitë udhëheqëse të liderit demokratik.

Secili nga ne duke ju përgjigjur këtyre konstatimeve me ”PO” ose ”JO”, kemi rastin që në mënyrë reale të votojmë dhe të përzgjedhim liderin më të mirë . Po që se lideri është me më pak se dhjetë konstatime me ”PO”, atëherë është i dobët dhe nuk ja vlen të votohet. Në qoftë se në 15 konstatimet përgjigjemi me ”PO”, kryesisht është i mirë , kurse, udhëheqësi i shkëlqyeshëm duhet ti ketë së paku 20 përgjigje me ”PO”.

Modeli i vetive poseduese të liderit demokratik :

1. Rreth veti ka kuadro të afta, me të cilët sendërton dhe zhvillon parimet e mira duke ngritur moralin e tyre me qëndrime pozitive për rrethanat aktuale.

2. Është vetëmohues, por edhe tolerant i përgatitur t’i respektoj mendimet e ndryshme, nuk e imponon qëndrimin e vetë , por kërkon konsensus.
3. Përveç vendimeve strategjike të cilat i sjell vetë, punët dërmuese i delegon tek bashkëpunëtorët.

4. Merr përsipër përgjegjësin për mos sukses, nuk kërkon fajtorë tek bashkëpunëtorët.


5. Është person korrekt dhe principiel , përkushtueshmëria në qëndrime edhe atëherë kur ato nuk i sjellin dobi.

6. Gabimet e veta dhe të tjerëve i konsideron si mjet për të mësuar shpejtë.


7. Posedon kulturë shtet –ndërtuese dhe është besnik ndaj qëllimeve të sistemit të cilin e udhëheq, gjithherë i përgatitur që të sakrifikoj për të mirën e përgjithshme.


8. Nuk e fshehë të vërtetën ,nuk manipulon me njerëz dhe nuk ju flet atë të cilën mendon se ata dëshirojnë ta dëgjojnë.


9. Personi është i përkushtuar ndaj punës, vije herët në vendin e punës dhe shkon vonë nga ai .
10. I çmon njerëzit me ide dhe i nxitë bashkëpunëtorët për inovacione dhe ndryshime.


11. Është person i terenit dhe i praktikës, viziton bashkëpunëtorët me qëllim që të njihet me problemet, nuk mbyllet në kështjellën e zyrës së tij.


12. Është dëgjues i mirë, respekton mendimin e tjetrit dhe nuk kënaqet duke dëgjuar përherë vetëm veten e tij.


13. Posedon modestin dhe është i hapur ndaj të tjerëve.


14. Nuk ikë nga problemet dhe nuk i shtynë të tjerët që t’i kryejnë ”punët e pa pastërta ” të tij.
15. Nuk kërkon luks të posaçëm dhe simbole statusore, mund të ecë ose të shkoj me transport publik gjerë në vendin e punës.


16. Posedon aftësi të flet qartë dhe drejtpërdrejt, thjeshtëzon problemet dhe i motivon bashkëpunëtorët.


17. Pjesën dërmuese të kohës e kalon duke punuar, nuk e pëlqen “shminkën’ dhe nuk i imponohet publikut .


18. E largon kontrollin e panevojshme, konfliktet i zgjidhë me biseda “ sy me sy” dhe jo përmes përfaqësueseve.

19. E mban premtimin, është lojal ndaj ekipit të vetë , por gjithherë e respekton shtetin juridik.

20. Posedon forcën empatike (brenga për të tjerët), kujdesi dhe ndjeshmëria sociale për të tjerët, kujdeset për të mirën e përgjithshme.


21. Është person proaktivë, hynë në betejë me problemet posa t’i vëren ato, nuk pret që të ndodhë zjarri dhe pastaj të reagon.


22. Është person me veti etike dhe morale, por edhe fleksibil i përshtatet situatave konkrete.


23. Është person ambicioz që parashtron qëllime të larta.


24. Është person multi kulturorë me përvojë ndërkombëtare të begatshme dhe njohës i gjuhëve të huaja.


25. Është vetëbesues, por jo edhe person vetëpëlqyes i përgatitur që të mëson nga gabimet dhe të ndryshon.

Të gjitha analizat shkencore dhe përvojat e standardeve demokratike ndërkombëtare të bazuara në Menaxhmentin Strategjik, po na dëftojnë se daljen nga kriza dhe fillimin e rritjes ekonomike të një vendi, mund ta bëjnë: vetëbesimi nacional i qytetarëve dhe zgjedhja adekuate e liderëve me veti të udhëheqjes demokratike. Ata patjetër duhet të posedojnë kulturë shtet ndërtuese, aftësi dhe dije menaxhuese për udhëheqje të institucioneve shtetërore funksionale të sistemit politikë dhe ekonomik .

Tërë kjo le të mbetet një përkujtues i vlefshëm i vlerësimit të secilit nga ne qytetarët me rastin e votimit. Kam besim se këto konstatime vlerësuese sado pak do të na ndihmojnë që t’i votojmë kandidatët të cilët e meritojnë. Modeli i paraqitur përshkruan vetitë e dëshirueshme që duhet t’i posedon lideri demokratik, të nevojshme për sukses, që vlejnë në pjesën më të zhvilluar të civilizimit botërorë.