Goals

AlbaNur campaigns to improve access for Albanian journalists to the sources of information in Albanian Lands. It speaks out against the lack of co-operation and the abusive treatment that still occurs when it comes to Albanian journalists.

Portreti i Ilir Shaqiri ne gazeten Kosova Sot

Portreti i Ilir Shaqiri ne gazeten Kosova Sot

Ilir Shaqiri, talent i rralle i melosit popullor

Kriza aktuale, e cila e ka përfshirë Kosovën me muzikën “tallava”, nuk e pengon dhe nuk e dëmton aspak këngën e Ilir Shaqirit, përkundrazi e forcon edhe më shumë.

Muzika si art i zërit, që më vete përfshin një ngrehinë të tërë artistike, mundët ta ketë ekzistimin e saj në vetvete nga natyra dhe në natyrë. Arti muzikor është i destinuar të jetë i pranueshëm nga organët e dëgjimit . Eshtë një formë e komunikimit në mes individëve të një bashkësie të njejtë gjë që muzikën e bënë art universal.

Këngëtari Ilir Shaqiri, me zërin e tij vite të tëra e ka joshur publikun shqiptar jo vetëm të Kosovës, por edhe të pjesëve tjera të Atdheut. Çuditërisht, Iliri Shaqiri, asnjëherë të vetme nuk e ka provuar të këndon kengë të cilat dalin nga kornizat e këngës së mirëfilltë shqipe. Iliri e ka ruajtur stilin e tij duke u përpjekur që gjithnjë ta kultivojë dhe përsos atë deri në maksimum.

Dëgjuesi, respektivisht shikuesi , posa t’ia dëgjon tingujt e parë të zërit të të tij, mënjëherë do ta identifikojë Ilir Shaqirin. Ky identifikim nuk vjen se Iliri ka shumë paraqitje, jo, por se Iliri ka stil të veçantë të të kënduarit, që askë nuk e lenë indiferent. Ka një zë të thellë madje që i përshtatet tekstit dhe melodisë. Ka shumë këngëtarë të shkelqyeshëm të cilët nuk arrijnë t’iu përshtatën teksteve që i kendojnë. Një ndër ta sa për ilustrim mund ta permendi G.N. interpretuesin e këngës « N’Dardani bjen një tupan ». Në fillim të karierës së tij , këngëtari (edhepse u afirmua permes kësaj kënge), tani me kalimin e vjetëve zëri i tij ka marrë ngjyrë tjetër dhe këngën e tij më nuk arrin ta bëjë të dashur për publikun e gjërë, siç e kishte përvetësuar në ditët e adoleshencës ndoshta.

Muzika e Ilir Shaqirit ngjallë emocione

Këngëtari Iliri Shaqiri i përshtatet temës që e trajton teksti i tij dhe këtë përshtatje ia bënë tërë strukturës së rrëfimit, duke e plotësuar, përveç zërit, edhe me gjestet dhe mimikën e tij. Këngës së tij, Iliri Shaqiri i jep dramacitet. Ky lloji dramaciteti nga teksti kalon në thellësin e shpirtit të Ilirit e pastaj depërton në shpirtin e dëgjuesit.

Opusi i gjërë i këngëve të Iliri Shaqirit kryesisht është i përbërë me temën e atdhedashurisë dhe secila prej këtyre këngëve të këtij zhanri është pritur me admirim nga dëgjuesit. Situatës politike nëpër të cilën ka kaluar populli ynë, të rrallë janë këngëtarët të cilët i kanë kushtuar rëndësi. Disa këngëtar kanë menduar se ajo gjendje do të jetë e pandryshueshme madje e përjetshme dhe nuk e kanë prek këtë temë, por shumë të kërkuar nga masa popullore. Çdo formë e komunikimit muzikor e ka nevojen e saj pa të cilën nuk do të kishte as edhe rrëfimin. Secili rrëfim e kërkon kompozimin dhe zërin adekuat nga varët suksesi apo mos suksesi i këngës. Me gjithë disa këngëtarë eksperimentues , të cilët me tentimet e tyre e çoroditin melodinë e bukur shqipe, Iliri Shaqiri nuk ka nevojë të bëjë eksperimente të tilla që t’i përshtatët tregut të tezgave shqiptare , sepse këngët e tilla janë të përkohshme ndërsa kënga e Iliri Shaqirit do të qëndrojë edhe për gjeneratat e ardhshme.

Vetëm ajo që reziston është e qendrueshme

Kriza aktuale, që e ka përfshirë Kosovën me muzikën « tallava », nuk e pengon dhe nuk e dëmton aspak këngën e Ilrir Shaqirit, përkundrazi e forcon edhe më shumë. Vetëm ajo që reziston është e qëndrueshme. Çdo gjë tjetër që vjen shpejt edhe tretët pa gjurmë, e shumë shpejt bashkë me të do të harrohen edhe këngëtarët e muzikës çoroditëse që nuk i përngjan as asaj rome e as shqiptare.

Ilir Shaqiri na jep vizionin e tij për botën shqiptare e në veçanti atë të luftës, ku shpalosën trimëritë e bijëve tanë, rrëfehet guximi i djelmoshave kosovarë në luftë kundër okupuesit, heroizmat e atyre që ranë në altarin e lirisë…

Kudo në kënget e Ilririt dominon : flamuri, liria, guximi,trimëria, heroizmi dhe mburrja e të qenit shqiptar gjë që këtë veçori nuk e kanë të gjithë këngëtarët. Nga kjo nuk duhet të nënkuptohet se Iliri u bë i njohur pikërisht pse i kendoi lirisë. Jo. Ilrin e bëri të njohur zëri i tij dhe interpretimi besnik dhe i sinqert i tekstit të tij. Këtu qëndron madhështia e Ilri Shaqirit.

Ilir Shaqiri i këndoi edhe dashurisë dhe, natyrisht, që edhe në këtë aspekt ky këngëtar do të shkelqejë, e kënga e tij do t’i ledhatojë zemrat e të dashuruarve. Edhe në zhanrin e këngëve të dashurisë Iliri do të ruajë origjinalitetin e tij dhe gjithnjë duke iu përmbajtur stilit të tij të veçantë.

Ilir Shaqiri kengës së tij i jep shpirt

Po të dëgjohen këngët e Ilir Shaqrit me vëmendje, dëgjuesi do të emocionohet deri në atë masë sa edhe të derdhi lot, siç janë këngët për luftëtarët e lirisë ose kënga e tij për shqiptarin që jeton në Stamboll. Madje kjo e fundit është kënduar edhe nga disa këngëtarë tjerë në zë, siç është këngëtari S.K., por me të ky tekst nuk e kishte forcën magjepsëse artistike që ia jep Iliri. Duke e dëgjuar Ilirin, dëgjuesi ka përshtypjën se ndodhet para situatës që rrëfehet në tekstin e këngës. Secila këngë e tij na e jep një tabllo filmike të ngjarjeve.
Ilir Shaqiri këngës se tij i jep shpirt dhe sutatat i ringjall e madje ia afron dëgjuesit, duke depërtuar në thellësinë e shpirtit të tyre. Këngët, nën interpretimin e Iliri Shaqirit, e marrin forcën magjike që e tërheqin dëgjuesin. Madje, po që se paraqitet nevoja edhe drejt vdekjes, siç ishte rasti i ushtarëve të Ushtrisë Çlirimtare, të cilët nën jehonën e zërit të Ilirit iu vësuleshin forcave të armikut. Pra, kënga e interpretuar mirë të përvetëson e të çelikos varësisht nga tema që trajtohet dhe cili e kendon. Mendoj se Ilir Shaqiri është i lindur për muzikë dhe muzika e lindur për Ilirin.

Ju mund te jepni komente per Ilir Shaqirin duke klikuar ketu!