Goals

AlbaNur campaigns to improve access for Albanian journalists to the sources of information in Albanian Lands. It speaks out against the lack of co-operation and the abusive treatment that still occurs when it comes to Albanian journalists.

Portreti i Shkurte Fejza ne gazeten Kosova Sot

Portreti i Shkurte Fejza ne gazeten Kosova Sot

Shkurte Fejza, perfaqesuese e denje e muzikes popullore

Shkurte Fejzai i takon rrymës së muzikës autoriale, që në fakt ky llojiiI muzikës bazuar në përmbajtje është gjithnjë bartësiI mesazhit politik ose filozofik dhe ajo, me një repertor tanimë të madh, e ka krijuar imazhin e saj të një këngëtare të “angazhuar” dhe plotësisht të denjë që ndër shqiptarët të mbetët përgjithnjë përfaqësuese e këtij zhanri muzikor.

Muzika popullore para se gjithash në vende të indusitrializuara mund të definohet si muzika më konsumuese. Lloji-llojshmëria e saj , bënë që mund ta gjejmë në kulturën e çdo popullit të botës.

Termi i muzkës popullore e ka një definicion shumë të zgjëruar që fillimisht mund të merret për çdo zhanër muzikor, perveç muzikes klasike. Definicioni i muzikës popullore evuluon rreth shekullit XIX , duke e përjashtuar tashmë muzikën folklorike gjegjësisht muziken tradicionale, siç mund të quhet sot. Muzika popullore e ka një specifik të veçantë prej zhanreve tjera, sepse ajo ka aftësi të përvehtëson burime të ndryshme të muzikës tradicionale e madje poashtu edhe të pasurohet nga zbulimet teknologjike të regjistrimit dhe të trajtimit, për rregullimin e zërit si psh muzikë elektronike.

Përfaqësuese e denjë e muzikës autoriale

Kur të flitet për muzikën popullore e veçanërisht atë të Atdhedashurisë, guximit, heroizmat e luftëtarëve të lirisë, mençurinë e Rilindasëve automatikisht në mendjen tonë në mënyrë instiktive na kujtohët figura dhe zëri i ëmbël i këngëtarës Shkurte Fejza.

Siç është e njohur se muzika popullore nganjëherë ndahet në tri rryma : muzika e varietetit, muzika autoriale dhe kënga e tekstit. Shkurte Fejza i takon rrymës së muzikës autoriale që në fakt ky lloji i muzikës bazuar në përmbajtje është gjithnë bartës i mesazhit politik ose filozofik dhe që përfaqësohet nga këngëtaret e njohur botëror : Bob Dylan, Georges Brasens, Woody Guthrie etj.

Shkurte Fejza ,me një repertor tanimë të madh, e ka krijuar imazhin e saj të një këngëtare të “angazhuar” dhe plotësisht të denjë që ndër shqiptarët të mbetët përgjithnjë përfaqësuese e këtij zhanri muzikor, siç mbetën këngëtarët e sipërpërmendur për vendet e tyre.

Kjo këngëtare që hapat e parë i ka filluar në moshë relativisht të re, në fillim pavetëdije ia ka ngarkuar vetës barrën më të rëndë që të nisi dhe të mbetët përfaqësuese besnike e muzikës popullore, aty ku yjet klasik të këtij zhanri e lanë, Shkurtja e vazhdoi.

Shtrohet pyetja se kjo këngëtare e vazhdoi aty ku tjerët e lane, apo kjo bëri hapa më tutjeshëm ? Në fakt, po të analizohët mënyra e interpretimit të Shkurte Fejzes, në fillim të karrierës se saj do të shohim se edhe aso kohe, kjo këngëtare nuk ishte larg yjeve muzikore të asaj kohe. Shumë shpejt Shkurte Fejza do e përfeksionon interpretimin për t’u barazuar e për t’i tejkaluar disa yje të asaj kohe. Brenda një periudhe të shkurtër kohore, Shkurte Fejza sikur e kishte kuptuar se kënga ishte frymëzimi i jetës, e vetë jeta këngë.

Kënga si mesazh dhe inspirim për vetëdijsimin kombëtar

Krijimtaria artistike e shprehur në poezi,tregime,romane, pikturë, balet, teatër, film, këngë etj deri ne vitin 1981, në vete bartte idenë e çlirimit kombëtar. Si në artët tjera, poashtu edhe në muzikë shprehej dashuria për Atdheun, u këndohej trimave që u flijuan për liri, e në ato vite nuk kishte shqiptar që nuk i dinte refrenet e këngëve patriotike siç ishin vargjet : « Për ku jeni nisur o burra ? Vendin ta çlirojmë ! », ose « Bajram Curr o Bajram Curr , emri ytë s’harrohet kurrë ! » , apo « Kjo fusha Kosovës oj nanë gropa gropa, unë po shkoj ushtar oj nanë m’ka thirrë Enver Hoxha » , e shumë këngë tjera, të cilat evokonin trimëritë i bijve dhe bijave tona. Në këto rrethana që janë të pakrahasueshme me aktualitetin e sotëm, në skenë doli, u zhvillua dhe u ngrit Shkurte Fejza , e cila po futej në elitën e emrave të njohur të muzikës sonë. Po ngritej për të mos zbritur kurrë. Gjatë atyre viteve, zëri i Shkurte Fejzës ishte bartës i mesazhit të shkyerjës së territ dhe ardhjës së lirisë. Ky zë i përfitonte spektatorët deri në atë masë sa ata binin në trans dhe në atë gjendje digjnin këmishat e tyre. Një gjë e tillë ishte parë vetëm me ndonjë këngëtar që vinte nga Shqipëria e shumë shpejt zëri i Shkurte Fejzës do të bëhej inspirim për ringjallje të vetëdijësimit kombëtar.

Edhe më vonë, kënga e Shkurte Fejzës do të bëhëj moto për Atdhedashurinë dhe do t’i rriste zemrat e çdo shqiptari kudo që ishte ai. Vargjet antologjike : « Oj kosovë oj nana ime/ Ndonse jam i merguar / Dashnin tende zemara ime / Kurrë se ka harrue », do të ndikojnë që secili shqiptar me mburrje të tregon se është nga Kosova. Janë vargje që zëri i Shkurtës dhe interpretimi i saj besnik e origjinal, do ua shton bukurinë artistike dhe këtyre vargjeve do u jep shpirt. Me jehonën e kësaj melodie shumëkush do i bashkohej luftës dhe në luftë vedkja ishte më lehtë për ata që ranë me jehonën e kësaj kënge dhe këngëve tjera si ajo e Iliri Shaqirit apo e Arif Vladit.

Mirëpo, me përfundimin e luftës në Kosovë këngëtarja e jonë Shkurte Fejza, nuk do e ndali hovin e saj për ta dhënë kontributin në melosin popullor. Në repertorin e këngëve të Shkurtës do të hasim këngë nëpër të cilat parakalojnë figurat më eminente të komandatëve të luftës, duke filluar qe nga komandanti legjendar, Adem Jashari, e deri tek luftëtari më i fundit që kishte lënë gjurmë trimërie gjatë luftës e deri në Mitrovicën e ndarë. Këngët me përmbajtje të tillë Shkurte Fejzën do ta lartësojnë në piedestalin e këngës shqipe.

Lirshëm mund të thuhet se Shkurte Fejza është përfaqësuese e denjë e muzikës popullore, e cila këtë zhanër e ka avansuar (bashkë me disa këngëtarë e këngëtare tjera secili ne mënyrën dhe stilin e tij).
Bazuar në zhvillimet e shpejta të muzikës (si « tallava » « Rhythme and blues », « R.&.B » etj, është droje se Shkurte Fejza më disa tjerë do te mbesin besnikët e fundit të perjetshme të muzikës popullore

Ju mund te jepni komente per Shkurte Fejza duke klikuar ketu!