Intervista e Jakup Krasniqit per INA

Zhvillimet politike për statusin e Kosovës, qëndrimi i PDK-së për këtë çështje, raportet e PDK me PDSH, BDSH dhe partitë e tjera shqiptare në Maqedoni, raportet me politikën shqiptare në Tiranë, çështja e Mitrovicës dhe Luginës së Preshevës, janë temat që trajtohen në intervistën ekskluzive të agjencisë INA të zhvilluar me sekretarin e përgjithshëm të Partisë Demokratike të Kosovës, Jakup Krasniqi.

Jakup Krasniqi:

Loja me kufijt e rrezikshme për rajonin, PDK e hapur me partitë shqiptare në Maqedoni

INA:Cili është pozicioni i PDK-së lidhur me zhvillimet në Kosovë, pas mesazheve të fundit të administratës amerikane,BE-së, si dhe Rusisë?

Krasniqi:PDK vazhdon të mbajë pozicionin e saj për shtetin e pavarur e Sovran. Ky shtet është duke e pritur njohjen ndërkombëtare. Pas 10 dhjetorit, sigurisht që do të merr vendimin në përputhje të plotë në interest ë vendit. Jemi të vetëdijshëm se jemi para një vendimi të madh, vendim që duhet ta marrin institucionet e Kosovës, që do të dalin nga zgjedhjet e 17 nëntorit 2007.

INA:Duke parë zhvillimet në arenën ndërkombëtare dhe qëndrime kontradiktore mes qarqeve vendimarrëse në Këshillin e Sigurimit, a pritet pas 120 ditëve të përcaktuar për bisedime dhe brenda 2007 të shpallet pavarësia e Kosovës?

Krasniqi:Për Kosovën janë dy opsione: i pari, me rezolutë të KS, që duhej të vinte mbi bazën e dokumentit të president Ahtisarit dhe së dyti, me shpalljen e pavarësisë në Kuvendin e Kosovës, që do të duhej të vijë pas 10 dhjetorit. Ky opsion, ditëve të fundit, ka mbështetje të mjaftueshme nga vendet e demokracisë perëndimore. 

INA:Cili do të jetë pozicioni dhe roli i grupit të unitetit, institucioneve dhe faktorëve politik nëse do të ketë oscilime rreth përcaktimit të statusit përfundimtar në bazë të dokumentit të Ahtisarit?

Krasniqi:Grupi i Unitetit, pas 10 dhjetorit 2007, duhet ta informojë Kuvendin e Kosovës për rrjedhat e bisedimeve shtesë dhe t’i rekomandojë hapat e mëtutjeshme.

INA:Në Shqipëri tashmë kemi një president të ri, i cili prioritet të veçant ka theksuar zgjidhjen sa më të shpejt të pavarësisë së Kosovës. Cka mendoni, cili duhet të jetë roli i Tiranës në këtë periudhë vendimtare dhe a është duke u bërë dicka në këtë drejtim, kur kemi parasysh konfliktet e ashpëra politike, që po ndikojnë në zvarritjen e çështjeve dhe prioriteve të brendshme për reforma?

Krasniqi:Roli i Tiranës zyrtare, si nga pozita, opozita, por edhe nga mediat elektronike e të shkruara, kanë kryer obligimet e tyre në përputhje të plotë me interesin kombëtar. Kjo ka ndodhur në mënyrë të veçantë pas 10 qershorit 2007.

INA:Cilat janë marrëdhëniet e PDK me partitë shqiptare në Tiranë, flitet për një afërsi linje me PS, duke patur parasysh raportet e afërta gjatë luftës së vitit 1999.Apo në këtë drejtim kanë ndryshuar rrethanat. Na sqaroni dicka në këtë drejtim ?

Krasniqi:Ne, nga fillimi kemi mbajtur marrëdhënie të mira me institucionet e shtetit shqiptar. Qëndrimi ndaj luftës çlirimtare dhe UÇK-së, na ka bërë që ndonjëherë të kemi afri me këtë apo atë parti politike në Shqipëri. Gjithmonë në kuadër të bashkëpunimit dhe korrektësisë së patejkalueshe me të gjithë, ap përjashtim. Pra, me partitë politike, kemi ruajtur dhe kultivuar marrëdhënie të balancuara. 

INA:Kalojmë në Maqedoni. Si janë raportet me partitë shqiptare. PDSH thekson se ka acaruar marrëdhëniet me partinë e juaj. Pse ndodhi kjo situatë, meqë kjo u reflektua edhe ne kongresin e PDSH, për mospjesëmarrje të asnjë përfaqësuesi të juaj?

Krasniqi:Ne kemi pasur marrëdhënie të mira me PDSH, në kohën kur është udhëhequr nga Arbër Xhaferi. Mospjesëmarrja në Kongres nuk do të duhej të thoshte shumë. Janë programet e profilizuara politike ato që i ofrojnë ose i largojnë partitë politike.
INA:Si e vlerësoni deklarimin e Menduh Thaçit për Epoka e Re se PDK gaboi që nuk mori pjesë në kongresin e PDSH?

Krasniqi:Nuk do ta komentoja deklaratën e kryetarit të ri të PDSH-së.Ne jemi të interesuar që në Maqedoni të ketë një parti politike që nuk e quan patriotizëm vetëm angazhimin për gjuhë e flamur, por për çdo gjë që atdheun e bënë atdhe. 

INA:A mund të themi se Bardhyl Mahmuti është faktor i ndarjes, pas braktisjes së PDSH. Si e vlerësoni lëvizjen e tij për formimin e një partie, e cila thuhet se ka mbështetje nga PDK-ja?

Krasniqi:Ne, duke e njohur Bardhyl Mahmutin, Bilall Sherifin dhe të tjerët që u janë bashkuar atyre, për programin politik e ekonomik, kemi bindjen se janë njerëz që ju duhen proceseve politike në Maqedoni. Tani partia e sapoformuar BDSH duhet dhe do të jetë partia që do t’i mbrojë më së miri interesat e shqiptarëve atje. Ata e kanë një përparësi edhe traditën e deritashme politike, por, proceset në Maqedoni, kërkojnë një qasje te re dhe avansim, këtë mund ta ofrojë partia e Bardhyl Mahmutit- BDSH. 

INA:Maqedonia tashmë institucionalisht është shprehur në mbështetje të pavarësisë. Pse ndodh kjo sipas jush dhe si e vlerësoni këtë pozicion të një shteti fqinj, që mbështet aspiratat e shqiptarëve të Kosovës ?

Krasniqi:Janë shumë arsy pse ndodhë kjo. Pse në Maqedoni jetojnë mbi 30% shqiptarë, pse edhe për Maqedoninë, stabiliteti i Kosovës është edhe i saj, pse ajo ka nevojë të jetë e bashkuar në rrjedhat politike me vëndet e demokracisë perëndimore.

INA:Cili do të jetë fati i Mitrovicës në njërën anë dhe në anën tjetër i Luginës së Preshevës, pasi që këto dy çështje mjaft janë të lidhura me statusin final dhe reflektojnë në zhvillimet në rajon ?

Krasniqi:Ne jemi për ruajtjen e territorit të Kosovës. Loja me kufij mund të prodhojë efekte të pakontrollueshme për politikën.

INA:PDK për 8 vjet nuk arriti të sfidojë partinë më të madhe LDK. A mendoni kësaj radhe që PDK të jetë bartëse e politikës në Kosovë dhe të jetë fituese e zgjedhjeve të 17 nëntorit?

Krasniqi:PDK ka kohë që në skenën politike të Kosovës është e vetmja që ka legjitimitet të plotë. Jemi të bindur se Kosova është e pjekur për ndryshime të thella. Këto ndryshime mund t’I sjell vetëm PDK e cila ka kapacitete të mëdha politike, intelektuale e profesionale. Këtë do ta tregojnë zgjedhjet e 17nëntorit 2007. (M.P)