Intervista e pronarit te Televizionit ALSAT Vebi Velia

Vetëm të bashkuar shqiptarët do ta sfidojnë Gruevskin

Maqedonia ka mbetur jashtë NATO-s për shkak të qeverisjes së papërgjeshme të klasës politike maqedone, e cila pengon investimet e huaja dhe bënë politikë antishqiptare, shkruan biznesmeni shqiptar vebi veliaj.

Qeverisja e papërgjegjshme e Maqedonisë nga klasa politike tani dhe në 15 vitet e kaluara dhe lufta etnike në vend penguan vendit të integrohet në NATO, konstaton biznesmeni shqiptar Vebi Velija në një shkrim autorial të botuar në gazetëm Panorama. Përveç kësaj Maqedonia ngecë edhepër shkak të ekonomisë në rënie, e cila është e mbyllur dhe pa perspektiva. "Në këtë papërgjegjshmëri qeverisjeje, e cila e ka një emër të përveçëm, kryeministrin Gruevski, mund të përmenden që nga mbyllja flagrante e dyerve ndaj investimeve serioze të huaja në sektorë të rëndësishëm të ekonomisë maqedonase dhe "spektaklet" qeveritare për gjoja zhvillim të ekonomisë së vendit", thekson Velija. Ai akuzon Gruevskin për përdorimin e dhunës në Brodec dhe për politikën jomiqësore ndaj Shqipërisë dhe Kosovës duke vendosur viza për shtetasit shqiptar dhe duke refuzuar të njohë pavarësinë kosovare.

Pas dështimit në Bukuresht, shkruan Veliaj, në vend që opozita të kërkonte dorëhejqjen e kryeministrit Gruevski, për këtë humbje të madhe historike, dhe të formohej një qeveri e shpëtimit kombëtarë, për të zgjidhur problemet më të ngutshme, siç janë bisedimet me Greqinë për emrin, zbatimi i marrëveshjes së majit dhe reformat ekonomike, ndodhi e kundërta, që vendi të shkojë në zgjedhje të parakohshme. "Ndërsa në Zagreb, Kroacia dhe Shqipëria festonin, dukej se Presidenti Bush ndiente më shumë keqardhje se shefat e Maqedonisë. Kjo u bë bindje pak ditë më pas, kur procesi shkoi në zgjedhje të parakohshme përpara se faktorët politikë të uleshin dhe të diskutonin për një strategji kombëtare për të ardhmen e vendit që ka përpara sfida të mëdha, të pakrahasueshme me asnjë bashkudhëtar të rajonit, nga të cilat tre janë më imediatet: çështja e emrit, marrëveshja e kufijve me Kosovën dhe implementimi i standardeve të barazisë etnike. Nuk pati reflektim, as strategji kombëtare, por një manovër politike që ishte e papritur për iluzionistët e progresit, por jo e papritur për njohësit e politikës tradicionale ballkanike.", konstaton ai.

Zgjedhjet e parakohshme sipas Veliajt, do ta paralizojnë vendin për t'u përballur me sfidat e mëdha, ndërsa partitë bëjnë llogari dhe pazare të pamoralshme për të arritur pushtetin. "Ndërsa Gruevski, për shkak të dobësisë së opozitës, mund të rifitojë një mandat katërvjeçar, për shqiptarët nuk ndryshon asgjë rezultati mes partive maqedonase. Të dyja palët janë po aq të vendosura për ta shtyrë në pafundësi zbatimin e Marrëveshjes së Ohrit.Hapa mbrapa në zbatimin e marrëveshjes ka patur shumë vitet e fundit, ndërsa faktorët politikë shqiptarë kanë investuar vetëm për përçarjen. Sot janë 5 parti shqiptare që kanë shpallur fitoren në etninë e tyre, janë 5 parti që akuzojnë njëra-tjetrën për shitje të interesave të shqiptarëve dhe asnjë prej tyre nuk ulet të gjykojë se vetëcopëzimi i faktorit shqiptar është fara e keqe që mbillet nga politikanët shqiptarë dhe korret nga politikanët maqedonas, pasi ndasitë midis politikanëve shqiptarë dhe maqedonas janë thjesht të karakterit etnik dhe pothuaj aspak ideologjik apo politik", shkruan ai.

Ai paralajmëron se shqiptarëve mund t'u përsëritet viti 2006, kur VMRO-DPMNE fitoi zgjedhjet dhe formojë qeverinë me partinë shqiptare që kishte marrë më pka vota, duke shkelur mbi vullnetin e tyre. Prandaj Veliaj fton partitë shqiptare të bashkohen në zgjedhje. "Gjithë faktori shqiptar, nëse grupohet në një formacion mund të ketë 34-35 deputetë dhe të shëndrohet në forcën më të rëndësishme politike të vendit dhe njëkohësisht mandatare. Në këtë rast do të kishim një qeverisje mes VMRO së Gruevskit dhe shqiptarëve në kushte krejt të barabarta dhe shqiptarët do të fitonin më në fund rolin që dëshirojnë dhe meritojnë në qeverisjen e vendit, ndërsa zbatimi i Marrëveshjes së Ohrit do të bëhej realitet", vlerëson ai.

Biznesmeni shqiptar nuk pret involvimin e Tiranës në bashkimin e shqiptarëve të Maqedoni sepse politikanët e Shqipërisë ende nuk janë bindur që ka ardhur momenti për një strategji të përbashkët kombëtare. "Nëse partitë shqiptare vrapojnë për t'u bashkuar me çdo kusht me pushtetin, do të ritradhëtohen interesat e përfaqësuara në Marrëveshjen e Ohrit. Partia shqiptare që do të hyjë në pushtet, në vend të ngutit për të përfituar karrige, lipset të ketë një platformë kushtëzuese për qeverinë, ku të përcaktohen me afate të gjitha pikat e Marrëveshjes së Ohrit që kërkojnë zbatim", nënvizon biznesmeni Veliaj.

NESE DESHIRONI TE PARTICIPONI NE KOMENTE RRETH KETYRE MENDIMEVE TE BIZNESMENIT SHQIPTAR VEBI VELIJA, JU MUND TE KLIKONI KETU!